சின்னத்திரை நடிகை VJ சித்ரா உயிரிழந்ததற்கு  அவரது கணவர்  ஹேம்நாத் சந்தேகமே காரணம் என்று காவல்துறை விசாரணையில் தெரியவந்துள்ளது. தொடர் விசாரணையின்  மூலம் தற்கொலைக்கான காரணம் குறித்து கேள்விக்கு  காவல்துறை முற்றுப்புள்ளி வைத்துள்ளனர்.

சின்னத்திரை நடிகை சித்ரா தற்கொலைக்கான காரணம் குறித்து நசரத்பேட்டை காவல்துறையினர் அவரது கணவர் ஹேம்நாத்  சித்ராவின் பெற்றோர்கள்  மற்றும் கடைசியாக படப்பிடிப்பில் கலந்து கொண்டவர்கள் என பல தரப்பிலும் பல கோணங்களில் விசாரணை மேற்கொண்டு வந்தனர். ஹோட்டலில் பதிவான சிசிடிவி காட்சிகள் முதல்உதவி செய்ய முன்னதாக வந்த ஆம்புலன்ஸ் ஊழியர்கள் என தொடர்ச்சியாக விசாரணையில் அம்பத்தூர் காவல் துணை ஆணையர் நேரடியாக நசரத்பேட்டை காவல் நிலையத்துக்கு வந்து ஹேம்நாத்த்திடம் தொடர்ந்து 2 மணி நேரத்திற்கு மேல் விசாரணை செய்த அதே நாளில் ஹேம்நாத் பெற்றோரையும் வர வைத்து விசாரணை செய்தனர்.