சட்டப்பேரவை தேர்தல் ஒட்டி தமிழகம் பரபரப்பாக  நகர்ந்து கொண்டிருக்கும் நிலையில் ரஜினிகாந்த் மக்கள் மன்ற நிர்வாகிகளுடன் நடிகர் ரஜினிகாந்த் இன்று ஆலோசனை நடத்தினார். சென்னை ராகவேந்திரா மண்டபத்தில் காலை 9 மணிக்கு இந்த ஆலோசனைக் கூட்டம் நடைபெற்றது. மாவட்ட செயலாளரை சந்தித்து பேசிய ரஜினிகாந்த் தனது அரசியல் நிலைப்பாடு குறித்து விவாதித்ததாக தெரிகிறது. தனிமனித இடைவெளி உள்ளிட்ட கொரோனா பாதுகாப்பு நடவடிக்கைகளை பின்பற்றி இந்த கூட்டம்  நடைபெற்றது  இந்த கூட்டத்திற்கு பாதுகாப்பு வழங்குமாறு ஏற்கனவே ரஜினி மக்கள் மன்ற நிர்வாகிகள் சார்பில் காவல் துறைக்கு கடிதம் வழங்கப்பட்டது. மாவட்ட செயலாளர்களை தவிர வேறு யாரும் கூட்டத்தில் பங்கேற்க அனுமதிக்கப்படவில்லை என ரஜினி மக்கள் மன்றம் தெரிவித்துள்ளது. சில நாட்களுக்கு முன்பு தனது பெயரில் சமூக வலைத்தளங்களில் வெளியான கடிதம் குறித்து ரஜினிகாந்த்  மன்றக் கூட்டத்தில் ஆலோசித்தார்.